Já það var að sjálfsögðu mikill áhugi fyrir honum Feldi okkar, enda glæsilegur hundur. Hann mun flytja á Selfoss þessi elska.  Og nú fer að styttast biðin, því hvolparnir verða afhendir  seinnipartinn í þessari viku Kveðja frá Heiðarbæ

Jæja loksins ætla ég að láta verða af því að setja nokkrar myndir af krílunum á síðuna.

Þau urðu þriggja vikna gömul í gær þessar elskur, tvær tíkur og þrír rakkar.

Það er búið að vera ævintýri líkast að fylgjast með þeim.

Fyrst auðvitað bara að sjúga mömmu sína og sofa, síðan að skríða og standa á fætur með tilheyrandi byltum. Mikil gleði var á heimilinu þegar þau opnuðu augun og ég tala nú ekki um þegar þau byrjuðu að smakka hvolpagrautinn góða. Nú er mjög vinsælt að reyna að komast uppúr hvolpakassanum og á einn herra sem við höfum nefnt Feld vinninginn þar.

Ég mun svo þegar þau verða aðeins eldri setja fleiri myndir inná síðuna.

Kveðja Anna Birna 

Við eignuðumst hana Indiru í desember í fyrra en fyrir áttum við hann Hnapp hinn íslenska. Við erum afskaplega ánægð með þau bæði en þau eru einstaklega blíðir og góðir heimilishundar. Vinkona okkar hún Arna fann fyrir okkur tíkina og náði í hana fyrir okkur til Þýskalands  Indira á nú í næstu viku von á hvolpum og er mikil tilhlökkun á heimilinu vegna þess. Gildewangen´s Istan er pabbinn og skilst mér að hann sé mjög spenntur líka.  Við munum á  næstunni færa fleiri fréttir af gotinu og setja inn myndir.   Bless i bili...

Indira vom Dorahaus.

Gildewangen´s Istan.

Fengum lánaða þessa flottu mynd af Istan á heimasíðu Gunnarsholtsræktunar, http://asp.internet.is/schafer/. Myndina tók Anna Francesca.